Իրանի և Ադրբեջանի միջև համաճարակի պատճառով փակ ցամաքային սահմանը պետք է բացվի. Այս մասին այսօր՝ ապրիլի 28-ին, հայտարարել է Իրանի արտգործնախարար Հոսեյն Ամիր Աբդոլլահյանը՝ Ադրբեջանի արտգործնախարար Ջեյհուն Բայրամովի հետ հեռախոսազրույցի ժամանակ, փոխանցում է «ՏԱՍՍ» լրատվական գործակալությունը:
«Ամիր Աբդոլլահյանն ընդգծել է, որ անհրաժեշտ է բացել Իրանի և Ադրբեջանի միջև ցամաքային սահմանը հաշվի առնելով, որ երկու երկրներն էլ վերահսկողության տակ են վերցրել կորոնավիրուսի տարածման հետ կապված իրավիճակը», – ասվում է Իրանի ԱԳՆ մամուլի ծառայության հաղորդագրության մեջ։
Կորոնավիրուսի տարածման հետ կապված՝ Ադրբեջանի իշխանությունները որոշել են փակել Իրանի հետ ցամաքային սահմանը ճանապարհորդների համար։ Միևնույն ժամանակ, օդային հաղորդակցությունը սահմանափակումների չի ենթարկվում։
