Մոսկվան մտադիր է ընդլայնել Բաքվի հետ բանկային համագործակցությունը ազգային արժույթներով, չորեքշաբթի մամուլի ասուլիսի ժամանակ ասել է Ադրբեջանում Ռուսաստանի դեսպան Միխայիլ Բոչարնիկովը, փոխանցում է «ՏԱՍՍ»-ը։
«Հռչակագրի համաձայն (Ադրբեջանի և Ռուսաստանի Դաշնության միջև դաշնակցային համագործակցության մասին-խմբ․), մենք նախատեսում ենք ընդլայնել բանկային համագործակցությունը ազգային արժույթներով: <…> Այս ուղղությամբ արդեն իսկ կան դրական քայլեր»,- ասել է նա:
Ռուս դիվանագետը նշել է, որ երկու երկրների միջև առկա բոլոր պայմանավորվածությունները կկատարվեն։
«Չնայած Ռուսաստանի և այլ երկրների միջև առկա անկայուն արտաքին առևտրատնտեսական հարաբերություններին, Ադրբեջանի դեպքում բոլոր պայմանավորվածությունները կիրականացվեն ամբողջությամբ»,- հավելել է Բոչարնիկովը։
