Քարտեզից երևում է, որ ուկրաինացի զինվորականներն ամբողջությամբ կորցրել են Վոլնովախա բնակավայրը։ Ռուսաստանի Դաշնության զինված ուժերը հասել են Նովոդոնեցկոե-Նովոմայսկոյե-Եգորովկա բնակավայրերի գիծ:

Բլագոդատնոեի շրջանում ցուցադրված են ուկրաինական զորքերի ստորաբաժանումները, որոնք ընկել են շրջապատման մեջ։

Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:

ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։

Գերագույն Ռադան Ուկրաինայում ռազմական դրություն է մտցրել։