Ուկրաինական կողմը խոչընդոտում է Մարիուպոլի խաղաղ բնակիչների անվտանգ ելքը քաղաքից. Այս մասին ուրբաթ ТАСС-ի թղթակցին հայտնել է Դոնեցկի Ժողովրդական Հանրապետության ժողովրդական միլիցիայի վարչության պետի տեղակալ Էդուարդ Բասուրինը։
«Մենք երեկ ասացինք, որ մարդասիրական միջանցքը բաց է, և մենք սպասում ենք մարդկանց հեռանալուն: Ռուսաստանի Դաշնության և Ուկրաինայի իշխանությունների միջև բանակցություններից հետո մենք հուսով էինք, որ քաղաքացիական անձանց թույլ կտան դուրս գալ Մարիուպոլի այս միջանցքով: Բայց մինչ այժմ ոչ ոք դուրս չի եկել Ուկրաինայի կողմից խոչընդոտի պատճառով: Մենք երաշխավորում ենք, որ այս վայրում մեր կողմից ոչ ոք չի կրակի, ևս երաշխավորում ենք, որ տեղանքը մաքրվել է ականներից, և մարդիկ կարող են ապահով դուրս գալ այնտեղից»,- պարզաբանել է նա։
Հինգշաբթի օրը Դոնեցկի ղեկավար Դենիս Պուշիլինը հայտնել է, որ Մարիուպոլի բոլոր խաղաղ բնակիչների համար, ովքեր ցանկություն են հայտնել ժամանակավորապես մեկնել անվտանգ վայր, Ռուսաստանի և Դոնեցկի Ժողովրդական Հանրապետության զինված ուժերը կկազմակերպեն մարդասիրական միջանցք:
