Ռուսաստանի Դաշնության նախագահ Վլադիմիր Պուտինը կօգտվի Թուրքիայի նախագահ Ռեջեփ Թայիփ Էրդողանի՝ Թուրքիա այցելելու առաջարկից, երբ թույլ տան համաճարակաբանական իրադրությունն ու ժամանակացույցը։ Այս մասին հայտնել է Ռուսաստանի նախագահի մամուլի քարտուղար Դմիտրի Պեսկովը, փոխանցում է Ermenihaber.am-ը:
Անդրադառնալով Էրդողանի կատարած հայտարարությանն առ այն, որ Ռուսաստանի նախագահին հրավիրել է Թուրքիա և սպասում է Կրեմլի պատասխանին՝ Պեսկովը մասնավորապես ասել է
«Այո, այդ թեման բազմիցս բարձրացվել է նախագահ Պուտինի և Էրդողանի վերջին մի քանի շփումների ընթացքում»։
Նա նշել է, որ այժմ որոշակի դադար է թե՛ միջկառավարական հանձնաժողովի, թե՛ երկու նախագահների գլխավորած երկկողմ հարաբերությունների բարձրագույն մարմնի աշխատանքներում: Հավելել է, որ Էրդողանն ասել է, որ ինքը պատրաստ է այդ բոլոր միջոցառումներն անցկացնել Թուրքիայում։
«Նախագահ Պուտինը երախտագիտությամբ է ընդունել այդ հրավերը»,– ընդգծել է Պեսկովը:
