Կառավարության այսօրվա նիստի սկզբում վարչապետի պաշտոնակատար Նիկոլ Փաշինյանը անդրադարձավ ռազմաքաղաքական իրավիճակին, որը շարունակում է լարված մնալ։ Նրա խոսքով՝ Ադրբեջանի սադրիչ քայլերը և առավելապաշտական նկրտումները նորանոր սպառնալիքներ են ստեղծում տարածաշրջանի, Հայաստանի և Արցախի համար։
«Շարունակում եմ կարծել, որ Ադրբեջանը նպատակ ունի խափանել նոյեմբերի 9-ի և հունվարի 11-ի եռակողմ հայտարարությունների իրագործումը, մասնավորապես՝ տարածաշրջանային կոմունիկացիաների բացման և Հայաստանի ապաշրջափակման մասով։
ՀՀ շատ կարևոր և առաջնային է համարում տարածաշրջանային կոմունիկացիաների բացումը և մենք պատրաստ ենք շարունակել աշխատանքը՝ կոնկրետ արդյունքների հասնելու ակնկալիքով։ Ակնկալում ենք, որ Ադրբեջանը կկատարի գերիներին, պատանդների և այլ պահվող անձանց վերադարձնելու իր պարտավորությունը»,-նշել է նա։
Նա նշել է, որ անընդունելի է մայիսի 12-ից Սոթք-Խոզնավար հատվածում Ադրբեջանի կողմից ՀՀ սահմանի խախտումը։
Մանրամասները՝ տեսանյութում։
