Մոսկվայում Չեխիայի դեսպան Վիտեսլավ Պիվոնկան կանչվել է Ռուսաստանի արտգործնախարարություն, «ՏԱՍՍ»-ին հայտնել է իր աղբյուրը:
«Չեխիայի դեսպանը կանչվել է Ռուսաստանի արտգործնախարարություն», – ասել է լրատվամիջոցի աղբյուրը:
Չեխիայի վարչապետ Անդրեյ Բաբիշը և առաջին փոխվարչապետ Յան Համաչեկը շաբաթ օրը հայտարարեցին Պրահայում Ռուսաստանի դեսպանատան 18 աշխատակիցների արտաքսման մասին, որոնք, ըստ չեխական կողմի, «Ռուսաստանի հատուկ ծառայությունների SVR և GRU աշխատակիցներ են»: Այս քայլը կատարվել է 2014-ին Վրբետիցայում պայթյունի ենթադրաբար բացահայտված հանգամանքների կապակցությամբ: Ըստ քաղաքական գործիչների՝ դրանում ներգրավված են «GRU- ի ռուսական ռազմական հետախուզության աշխատակիցները»:
Ավելի վաղ Ռուսաստանի արտգործնախարարությունը հայտարարություն էր տարածել, որում իր խիստ բողոքն էր հայտնում Պրահային ՝ կապված «անհիմն ու հեռահար նպատակներով» ձեռնարկված քայլի հետ և հայտարարել էր պատասխան միջոցներ ընդունելու մասին:
