Անցյալ օրվա ընթացքում Թուրքիայում կորոնավիրուսային վարակից մահվան դեպքերը կազմել են 297 մարդ, սա նոր առավելագույն ցուցանիշ է համաճարակի սկզբից ի վեր. դեպքերի օրական աճը կրկին գերազանցել է 60 հազարը, հայտնում է երկրի առողջապահության նախարարության մամուլի ծառայությունը:

Այս մասին հայտնում է «ՌԻԱ Նովոստի» լրատվական գործակալությունը։

Ռուսաստանը Թուրքիայում տիրող բարդ համաճարակաբանական իրավիճակի պատճառով ապրիլի 15-ից հունիսի 1-ը սահմանափակել է այս երկրի հետ ավիահաղորդակցությունը:

«Այսօր հայտնաբերվել է COVID-19-ի 61,400 նոր դեպք, հոսպիտալացվել է 2,845 հիվանդ: 297 մարդ մահացել է, համաճարակի սկզբից` 35,031 մարդ: 3,080 հիվանդ ծանր վիճակում է», – ասված է հայտարարության մեջ:

Չորեքշաբթի դեպքերի ամենօրյա աճը համաճարակի սկզբից ի վեր ցույց տվեց առավելագույնը ՝ կազմելով 62 797 դեպք:

Մարտի վերջին Թուրքիայի նախագահ Թայիփ Էրդողանը հայտարարել էր, որ Թուրքիայի 81 նահանգներից 58-ում՝ ներառյալ Ստամբուլը, Անկարան, Անթալիան, Մուգլեն, հանգստյան օրերին կրկին պարետային ժամ է վերականգնվում։ Բացի այդ, ամբողջ երկրում սրճարաններն ու ռեստորանները գործում են միայն առաքման ռեժիմով: Երեքշաբթի օրը Էրդողանը հայտարարեց սահմանափակող միջոցառումների խստացման մասին, մասնավորապես՝ միջքաղաքային երթևեկության սահմանափակման և օրական պարետային ժամի տևողության ավելացման մասին։