Այսօր՝ մարտի 2-ին, Ազգային ժողովի հերթական քառօրյա նիստի ժամանակ քննարկվում է Վճռաբեկ դատարանի դատավորի թեկնածուի ընտրության հարցը։
Ազգային ժողովի նախագահ Արարատ Միրզոյանը հայտնեց, որ Բարձրագույն դատական խորհրդից հայտնել են, որ թեկնածուներից մեկը՝ Սամվել Գրիգորյանն ինքնաբացարկ է հայտնել։
Բարձրագույն դատական խորհրդի նախագահ Ռուբեն Վարդազարյանը ներկայացրեց, թե ինչն է եղել դատավորի ինքնաբացարկ հայտնելու մասին որոշման պատճառը։
Նշենք, որ Բարձրագույն դատական խորհուրդը Վճռաբեկ դատարանի քաղաքացիական և վարչական պալատի դատավորի թափուր տեղի համար առաջադրել էր Սամվել Գրիգորյանի, Արմեն Հայկյանցի և Արսեն Մկրտչյանի թեկնածությունները:
Մանրամասները՝ տեսանյութում
Իրավաբան.net-ը Ձեզ է ներկայացնում Սյունիքում պաշտոնավարող դատավորի կենսագրությունը
Սամվել Գրիգորյանը ծնվել է 1974 թվականին Աբովյան քաղաքում։
Կրթություն
1991 թվականից մինչև 1996 թվականը սովորել է Հ.Աճառյանի անվան համալսարանի իրավագիտության ֆակուլտետում։
2005 թվականին ստացել է պետական նմուշի դիպլոմ։
Աշխատանքային փորձ
1996 թվականին ընդունվել է Աբովյան քաղաքի ժողդատարան, աշխատել է գրասենյակի գործավար, այնուհետև՝ գրասենյակի քարտուղար։
1999 թվականին աշխատել է Կոտայքի մարզի ԴԱՀԿ ծառայության հարկադիր կատարող։
2000 թվականից աշխատել է Կոտայքի մարզի ԴԱՀԿ ծառայության պետի տեղակալ։
2003 թվականից աշխատել է Արմավիրի մարզի ԴԱՀԿ ծառայության պետ։
2005 թվականից աշխատել է ԴԱՀԿ ծառայության վերահսկողության բաժնի պետ։
2006 թվականից աշխատել է օրենսդրության կատարելագործման և վերահսկողության վարչության պետ։
2006 թվականից մինչև 2008 թվականն աշխատել է որպես Տնտեսական դատարանի դատավոր:
2008 թվականից 2018 թվականն աշխատել է Սյունիքի մարզի ընդհանուր իրավասության դատարանի նախագահ:
ԲԴԽ-16-Ո-31 որոշմամբ ներկայացված առաջարկությամբ՝ ՀՀ նախագահի՝ 2018 թվականի հուլիսի 4-ի հրամանագրով նշանակվել է Սյունիքի մարզի առաջին ատյանի ընդհանուր իրավասության դատարանի նախագահ՝ երեք տարի ժամկետով:
