Արցախյան պատերազմում անմահացած Ալեն Մարգարյանի մայրը՝ Նազելի Տերտերյանը պատմում է․ «Ասում էի՝ Ալեն ջան, դու ընդամենը 20 տարեկան ես, ասում էր՝ մի փոքր ճշտում անեմ, ես արդեն 20 տարեկան եմ»։ Ալենը փետրվարի 11-ին դարձավ 22 տարեկան։
Երբ մայրը մեկ անգամ ասել է, որ աշխարհի վրա զայրացել է, աշխարհն ու կյանքը սիրող Ալեն Մարգարյանը 6 տարեկանում ասել է՝ մայրիկ ջան, աշխարհը պետք է սիրել, ոչ թե իր վրա բարկանալ։
Ալենը նաև ուսուցիչ էր, դասավանդում էր Թումո նորարարական տեխնոլոգիաների կենտրոնում։ Մայրն ասում է՝ չգիտեմ, որ Ալենի մասին պատմեմ՝ ուսուցիչ, ընկեր, որդի, եղբայր, թե՞ փիլիսոփա։
«Շատ մեծ անակնկալ մատուցեց մեզ՝ ասելով, որ որոշում է կայացրել, պիտի գնա ծառայության»,- ասում է մայրը։ Ալենն ընդունվել էր Բոստոնի համալսարանի միանգամից երկու ֆակուլտետ և հնարավորություն ուներ չծառայել, բայց որոշել է հայրենիքի պարտքը տալ, նոր մեկնել ուսումը շարունակելու։
Ալեն Մարգարյանը ծնվել է 1999 թվականի փետրվարի 11-ին, զոհվել է 2020 թվականի սեպտեմբերի 30-ին։
Մանրամասները՝ տեսանյութում
