«Մոսկվան պահանջել է, որ Լեռնային Ղարաբաղում հակամարտության կողմերը պահեն լիակատար հրադադարի ռեժիմը»,- լրագրողներին ասել է Ռուսաստանի խաղաղապահ ուժերի շտաբի խոսնակը:
Այս մասին հայտնում է «ՌԻԱ Նովոստի» լրատվական գործակալությունը։
«Նախորդ օրը փոխհրաձգություն է տեղի ունեցել Հադրութի շրջանում: Այն հրադադարի ռեժիմի խախտման առաջին դեպքն էր նոյեմբերի 10-ից ի վեր, երբ սկսվեց խաղաղապահ գործողությունը Լեռնային Ղարաբաղում»,- ասել է Ռուսաստանի խաղաղապահ ուժերի շտաբի խոսնակը:
Ավելի վաղ Հայաստանի Պաշտպանության նախարարությունը հայտնել էր, որ Բաքուն վերսկսել է ռազմական գործողությունները Հին Թաղլար և Խծաբերդ բնակավայրերի ուղղությամբ:
Իսկ Ռուսաստանի Պաշտպանության նախարարության տեղեկագրում նշվել էր, որ հրադադարի ռեժիմի խախտման առաջին դեպքն է գրանցվել և Լեռնային Ղարաբաղում ռուս խաղաղապահները 23 դիտակետերում շուրջօրյա վերահսկում են իրավիճակը՝ հետևելով հրադադարի ռեժիմի պահպանմանը:
