«Ադրբեջանից և Հայաստանից մրգերի և բանջարեղենի ներմուծման արգելքը ոչ թե Կրեմլի հարցն է, այլ մասնագիտացված գերատեսչության իրավասությունը»,- լրագրողներին ասել է ՌԴ նախագահի մամուլի քարտուղար Դմիտրի Պեսկովը:
Այս մասին հայտնում է «ՌԻԱ Նովոստի» լրատվական գործակալությունը։
«Բնականաբար, այդ ամենն արվում է նախարարության հետ համագործակցությամբ, և կան հստակ չափորոշիչներ, որոնցով այդ որոշումները կայացվում են: Դուք գիտեք, որ այդ որոշումները կապված են վիրուսների հետ, և համաճարակային իրավիճակում, իհարկե, դրան հատուկ ուշադրություն է դարձվում: Հետևաբար, տվյալ մասնագիտացված գերատեսչությունը Կրեմլի հետ համագործակցելու պարտականություն չունի», – նախագահի մամուլի քարտուղարի խոսքը մեջբերում է «ՌԻԱ Նովոստին»:
Մասնագիտացված գերատեսչությունը դեկտեմբերի 10-ից արգելում է Ադրբեջանից լոլիկի ու խնձորի ներկրումը Ռուսաստան: Սահմանափակումները կապված են ադրբեջանական արտադրանքի շարունակական մատակարարման հետ՝ հարավամերիկյան լոլիկի ցեց և արևելյան ցեց հայտնաբերելուց հետո: Իր հերթին, դեկտեմբերի 14-ից Հայաստանի Արմավիրի մարզից արգելվում է լոլիկի և պղպեղի ներմուծումը Ռուսաստանի Դաշնություն, այդ միջոցը ներդրվել է պեպինո խճանկարային վիրուսով ապրանքներ հայտնաբերելուց հետո:
