Կրթության, գիտության, մշակույթի և սպորտի փոխնախարար Ժաննա Անդրեասյանըը ուսուցիչներին հեռավար դասընթացներն առավել հեշտ անցկացնելու համար մի շարք խորհուրդներ է տվել․
«Սիրելի ուսուցիչներ,
եթե ուզում եք ավելի հստակ պատկերացնել, թե ինչպես կազմակերպել հեռավար ուսուցումը, ապա կարող եք հետևել հեռավար ուսուցման ուղեցույցին (https://drive.google.com/…/1Fqjd4Pj2kejJ9iksB4G…/view…), որից մի հատված տեղադրում եմ․
Հեռավար կրթությունը չի ենթադրում միայն համաժամանակյա դասեր տեսազանգի միջոցով: Դուք կարող եք թեմատիկ պլանով նախատեսված բովանդակությունը, իրենց ուղղորդումներով, սովորողներին տրամադրել՝
ձեր կողմից կամ այլ մասնագետի կողմից մշակված նյութի, վարժության տեսքով (նյութեր կարող եք փնտրել էլեկտրոնային նյութերի բազայից https://heravar.armedu.am/)
ձեր կողմից կամ այլ հարթակից գտած տեսադասի տեսքով (տեսադասեր կարող եք փնտրել այս էջերից e-School Armenia, ArmEdu Channel, https://heravar.armedu.am/)
Սովորողների հետ ժամանակ առ ժամանակ, ըստ
նպատակահարմարության, իրականացնել համաժամանակյա դասեր`ամփոփելու ուղարկված նյութը, տեսադասի թեման, պատասխանելու հարցերին կամ կատարելու գործնական աշխատանքներ:
Կարեւոր է նկատի ունենալ.
Խիստ կարեւոր է, որ դպրոցն ընտրի ուսումնառության կառավարման եւ բովանդակության տրամադրման համար մեկ միասնական հարթակ, որտեղ բոլոր աշակերտներն ու ուսուցիչները կունենան մեկ հարթակում
բոլոր առարկաների նյութերը:
Համագործակցության եւ հաղորդակցման, համատեղ աշխատանքներ իրականացնելու համար ընտրել համպատասխան առցանց հարթակ:
Ինքնաստուգում, ձեւավորող/միավորային գնահատում իրականացնելու եւ հետադարձ կապ տրամադրելու համար՝ կիրառեք առցանց հարցումներ եւ թեստեր պատրաստելու գործիքներ:
Գրավոր նյութ ստեղծելու համար օգտագործեք Google Slides կամ MS PowerPoint: Չի խրախուսվում որպես ուսումնական նյութ տեղադրել ծավալուն գրավոր տեքստեր եւ պարզապես հրահանգել դրանք կարդալ
ու ինքնուրույն սովորել:
Մի քանի ուսումնական նյութ տեղադրելուց հետո ցանկալի է, որ ուսուցիչը կազմակերպի վեբինար, որի ժամանակ կամփոփի
թեման(երը), կստուգի աշակերտների կոմղից դրանց յուրացումը
հարց/պատասխանի միջոցով, գործնական առաջադրանքներով կամ առցանց թեստային առաջադրանքներով:
Խնդրում եմ ակտիվորեն օգտագործել տեսադասերը, որ պատրաստված են և անընդհատ համալրվում են։
Ստեղծված գործիքի օգնությամբ կարող եք ընտրել դասարանը, առարկան և նշված տեսադասի միջոցով հեռավար ուսուցումը դարձնել ավելի նպատակային։ Հղումը՝ http://e-school.am/lessons
Տեղադրում եմ հասանելի տեսադասերից մեկը՝ Սասունցի Դավիթը կռվում է դևերի դեմ։
