Եթե երեխայի ծնողներն ամուսնության մեջ չեն գտնվում, ապա երեխայի հոր մասին տեղեկությունները լրացվում են հետևյալ տարբերակներից որևէ մեկով՝ մոր հայտարարության կամ հայրության որոշման գրանցման հիման վրա կամ ընդհանրապես չեն լրացվում:

Եթե հայրությունը որոշված չէ, ապա երեխայի հոր մասին տեղեկությունները լրացվում են երեխայի մոր գրավոր հայտարարության հիման վրա: Երեխայի հոր ազգանունը գրառվում է մոր ազգանվամբ, հոր անունը և նրա հայրանունը՝ մոր ցուցումով: Մոր ցանկությամբ երեխայի ծննդի ակտի գրառման մեջ կարող են չլրացվել երեխայի հոր մասին տեղեկությունները:

Երեխայի հոր մասին լրացված տեղեկությունները չեն կարող արգելք հանդիսանալ հայրության որոշման հարցի լուծման համար:

Աղբյուրը` Իրավաբան.net