Արարատի և Վայոց Ձորի մարզերի ընդհանուր իրավասության դատարանում քննության է առնվում Արման Ա.-ի և Ռուբեն Ս.-ի դեմ հարուցված քրեական գործը:

Արման Ա.-ին մեղադրանք է առաջադրվել այն բանի համար, որ նա, աշխատելով ՀՀ Ոստիկանության անձնագրային և վիզաների վարչության Արտաշատի անձնագրային բաժանմունքի պետ, պաշտոնեական դիրքը ծառայության շահերին հակառակ օգտագործելով, ծառայողական պարտականություններն անձնական այլ շահագրգռվածությունից ելնելով չի կատարել, որն էական վնաս է պատճառել անձանց, հասարակության և պետության իրավունքներին և օրինական շահերին:

Ռուբեն Ս.-ին մեղադրանք է առաջադրվել այն բանի համար, որ նա աշխատելով ՀՀ Ոստիկանության անձնագրային և վիզաների վարչության Արտաշատի անձնագրային բաժանմունքի պայմանագրային աշխատակից, խաբեության և վստահությունը չարաշահելու եղանակով կաշառք ստանալու պատրվակով կատարել է ուրիշի գույքի հափշտակություն:

Գործով մեղադրյալների նկատմամբ նկատմամբ որպես խափանման միջոց ընտրվել է ստորագրություն չհեռանալու մասին:

Դատարանում մեղադրանքի պաշտպանությունն իրականացվում է ՀՀ Գլխավոր դատախազության կողմից:

Ծանուցում. Հանցագործության մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Աղբյուրը՝ Իրավաբան.net