Երևի թե չկա մեկը, ով երբևէ չի երազել բնակվել մի հեռավոր` բնակավայրերից հետու գողտրիկ տնակում:
Եթե նման մի վայրում տուն կառուցենք և սկսենք այնտեղ բնակվել, նշված վայրը ակամա կվերածվի «բնակավայրի»:
Պարզենք, թե բնակավայրերն ինչ կատեգորիաների են բաժանվում:
ՀՀ Կառավարության 27 նոյեմբերի 1998 թվականի թիվ 756 որոշմամբ Հայաստանի Հանրապետության բնակավայրերը դասակարգվել են ըստ բարձունքային նիշերի.
Ասյպես`
Լեռնային բնակավայրերի շարքին են դասվում այն բնակավայրերը, որոնք գտնվում են ծովի մակերևույթից 1700-2000 մետր բարձրության վրա, իսկ բարձրլեռնային բնակավայրերի շարքին են դասվում այն բնակավայրերը, որոնք գտնվում են ծովի մակերևույթից 2000 մետր և ավելի բարձրության վրա:
«Պետք է միաժամանակ նշել, որ քաղաքացին իրավասու չէ տուն կառուցել ցանկացած վայրում, օրինակ` պատմական և մշակութային հողամասերի վրա:
Նման հողամասերի վրա կարելի է իրականացնել միայն այնպիսի գործունեություն, որը չի հակասում դրա նպատակային ու գործառնական նշանակությանը»,-Իրավաբան.net-ին հայտնում է ՀԵԻԱ իրավաբան Գոհար Կոստանյանը:
Աղբյուրը` Իրավաբան.net
