Չինաստանի Ուհան քաղաքում 2019-nCoV նոր կորոնավիրուս են հայտնաբերել նորածնի մոտ:
Այս մասին հայտնում է iz.ru– ն:
Երեխան ծնվել է փետրվարի 2-ին Ուհան քաղաքում, որը համարվում է բռնկման էպիկենտրոնը: Ախտորոշումը կատարվել է ծնվելուց 30 ժամ հետո:
Նշվում է, որ երեխայի մայրը վարակվել է հղիության ընթացքում: Միևնույն ժամանակ, բժիշկները չեն կարողանում բացատրել, թե ինչպես է վիրուսը փոխանցվել երեխային: Բժիշկներից մեկի խոսքով՝ այս միջադեպը կարող է վկայել հիվանդության փոխանցման նոր եղանակի մասին:
Հիշեցնենք, որ Չինաստանում նոր տեսակի կորոնավիրուսով առաջացած թոքաբորբից մահացության դեպքերը աճել են հասնելով օրական 73 մարդու:
