Այս պահին Սահմանադրական դատարանի նախագահ Հրայր Թովմասյանի բնակարանում Հատուկ քննչական ծառայությունն իրականացնում է խուզարկություն։
Հրայր Թովմասյանի պաշտպան Միհրան Պողոսյանը լրագրողների հետ զրույցում նշել է, որ ակնհայտ է, թե ինչ է տեղի ունենում. «Այս քրեական գործի շրջանակներում, ակնհայտ է քաղաքական հետապնդումը և տարբեր մեթոդների կիրառումը: Քննիչը հասարակ խուզարկությունը սկսում և իրականացնում է խախտումներով: Մասնավորապես խուզարկության որոշումը դեռևս իմ և պարոն Թովմասյանի կողմից ծանոթացած չլինելու պարագայում, քննիչը հայտարարեց, որ շարունակում է խուզարկությունը: Քննիչը մեր գնահատմամբ սկսել է իրականացնել ապօրինի խուզարկություն»,- նշել է Միհրան Պողոսյանը:
Պաշտպանը հայտնել է նաև, որ միջնորդել են ամբողջ գործընթացը տեսաձայնագրել, սակայն քննիչը մերժել է այդ միջնորդությունը:
Նշենք, որ ՀՔԾ տեղեկացրել էր, սահմանադրական դատարանի նախագահ Հրայր Թովմասյանի բնակարանում Հատուկ քննչական ծառայությունն իրականացվող խուզարկության մասին:
