Նպաստ ստանալու իրավունք ունեն ընտանիքի կարիքավորության աստիճանի գնահատման «Փարոս» համակարգում հաշվառված այն ընտանիքները, որոնց կարիքավորության աստիճանը գնահատող միավորը բարձր է կարիքավորության սահմանային մեծության միավորից:

Նպաստը հաշվարկվում է բազային նպաստին ավելացնելով ընտանիքի յուրաքանչյուր անդամի համար տրվող հավելումը:

Յուրաքանչյուր տարվա համար կարիքավորության սահմանային մեծության միավորը, բազային նպաստի և ընտանիքի յուրաքանչյուր անդամի համար տրվող հավելման չափերը սահմանում է Հայաստանի Հանրապետության կառավարությունը:

Նպաստի վճարումը դադարեցվում է դրա իրավունքը կորցնելու հաջորդ ամսվանից:

Նպաստ ստացողի կողմից ակնհայտ սխալ տեղեկություններով փաստաթղթեր ներկայացնելու, եկամուտները և ընտանիքում կատարված փոփոխությունները թաքցնելու դեպքում նպաստի վճարումը դադարեցվում է դրանց հայտնաբերման ամսվանից, և ընտանիքը մեկ տարի ժամկետով զրկվում է նպաստ ստանալու իրավունքից:

Աղբյուրը` Իրավաբան.net