Դեկտեմբեր ամսին խորհրդարանական արտահերթ ընտրություններ անելը ռեալ չէ։ Այս մասին այսօր՝ Ազգային ողովում լրագրողների հետ զրույցում ասաց ԱԺ փոխնախագահ Էդուարդ Շարմազանովը։

«Այսօր ամեն ինչ գտնվում է վարչապետի դաշտում։ Եթե ինքը հրաժարական է տալիս, ուզես-չուզես գնում է համապատասխան զարգացումներ։ Ինձ համար մի բան պարզ չէ, ի՞նչ փոխվեց 20 օրում, որ 20-25 օր առաջ վարչապետն ասում է մայիսին պետք է լինեն ընտրությունները, հիմա ասում է՝ դեկտեմբերին։ Ես երեկ, պարոն վարչապետից չեմ լսել որևէ հիմանվորում, թե ինչու պետք է ընտրությունները լինեն դեկտեմբերին, այլ ոչ օրինակ հունվարին, փետրվարին»,-նշեց նա։

Նրա խոսքով, անկախ նրանից, թե քանի՞ մարդ կա այժմ վարչապետի կողքը կանգնած, Ազգային ժողովը, ըստ Սահմանադրության, ՀՀ օրենսդիր մարմինն է։ «Չի կարելի միջամտել, ճնշումներով և սպառնալինքներով, Ազգային ժողովի աշխատանքներին։ Մենք սրանով բռնաբարում ենք Սահմանադրությունը։ Թող որևէ մեկի մոտ տպավորություն չստեղծվի, որ Էդուարդ Շարմազանովն իր պաշտոնի կամ մանդատի կռիվն է անում։ Ես այս պաշտոնից, 8 տարի, բացի իմ ազգին ծառայելուց, և եթե պետք լինի՝ հատիկ-հաիկ կասեմ ինչ եմ արել, ու երբ իրենք իմ արածի կեսը կանեն բոլորով, կասեմ՝ ապրեք»,-ասաց Էդուարդ Շարմազանովը։

Նա նաև նշեց, թե ինչ է արել միջազգային հարթակներում, Ապրիլյան պատերազմի օրերին և այլն․ «Ոչ ձեռքերս արյունոտ է, ոչ գրպանս ուրիշի փող կա, ոչ մեկից փող եմ գողացել, ոչ էլ բյուջեից եմ փող գողացել։ Սա մանդատի կռիվ չէ»,-ասաց ԱԺ փոխնախագահը։

https://www.facebook.com/Iravabannet/videos/2119644048302526/?notif_id=1538553174589547&notif_t=live_video_explicit