Բրիտանական խորհրդի կայքէջում հրապարակվել է կրթաթոշակի ստացման հնարավորույթյուն:
Ցանկանո՞ւմ եք ստանալ կրթաթոշակ և հոգալ ձեր ուսման վճարն առանց երկարատև թղթաբանության և գործընթացների: Եթե այո, ապա IELTS Scholarship-ը ձեզ համար է: Կրթաթոշակը բաց է ՀՀ բոլոր համալսարանների, ինչպես նաև արտերկրում սովորող ուսանողների համար: IELTS-ն ընդունվում է որպես անգլերենի իմացության ապացույց աշխարհի ավելի քան 9000 կազմակերպությունների, այդ թվում ԱՄՆ-ի շուրջ 3000 հաստատությունների կողմից:
Կրթաթոշակի մրցույթին մասնակցելու համար անհրաժեշտ է միայն հանձնել IELTS քննություն 2017 թվականի փետրվարի մեկից մինչև մայիսի մեկն ընկած ժամանակահատվածում: Հաղթողները կընտրվեն վիճակահանության արդյունքում:
Ո՞Վ ԿԱՐՈՂ Է ՄԱՍՆԱԿՑԵԼ
Կրթաթոշակի մրցույթը բաց է ՀՀ բոլոր համալսարաններում և արտերկրում սովորող ուսանողների համար:
Բրիտանական խորհուրդը տրամադրելու է երեք կրթաթոշակ`
- մեկ կրթաթոշակ բակալավրիատի մեկ ուսանողին;
- մեկ կրթաթոշակ մագիստրատուրայի մեկ ուսանողին;
- մեկ կրթաթոշակ ասպիրանտուրայի մեկ ուսանողին:
Այն ուսանողները, ովքեր նոր են պատրաստվում ընդունվել կրթական հաստատություն, սակայն ցանկանում են մասնակցել մրցույթին, կարող են ներկայացնել իրենց հայտը, սակայն հաղթելու պարագայում պետք է համալսարանից ներկայացնեն ընդունելության մասին փաստաթուղթ: Եթե դուք մասնակցում եք մրցույթին, հաղթում, սակայն չեք ընդունվում համալսարան, ապա կկատարվի նոր վիճակահանություն:
Մրցույթին կարող են մասնակցել ԲՈՒՀ-ի միայն վճարովի համակարգում սովորող ուսանողները: Մրցույթը բաց է բոլոր ազգությունների ուսանողների համար: ՀՀ ԲՈՒՀ-երում սովորող ուսանողների կրթաթոշակը կփոխանցվի անմիջապես համալսարանին, իսկ արտերկրում սովորելու դեպքում`անմիջապես ուսանողին:
ԻՆՉՊԵ՞Ս ԿԱՐՈՂ ԵՔ ՄԱՍՆԱԿՑԵԼ
Մասնակցելու համար հարկավոր է 2017 թվականի փետրվարի մեկից մինչև մայիսի մեկն ընկած ժամանակահատվածում Բրիտանական խորհրդի հայաստանյան մասնաճյուղում հանձնել IELTS քննություն և լրացնել մասնակցության առցանց հայտը` ստորև: Վիճակահանության համար կօգտագործվի IELTS թեստի թեկնածուի հերթական համարը:
IELTS քննությանը գրանցված, սակայն թեստին չմասնակցած կամ փոխհատուցում պահանջած թեկնածուները մրցույթին չեն կարող մասնակցել:
ՈՐՔԱ՞Ն Է ԿԱԶՄՈՒՄ ԿՐԹԱԹՈՇԱԿԸ
ՀՀ ԲՈՒՀ-երում սովորող յուրաքանչյուր ուսանողի կտրամադրվի 300.000 դրամ: Միացյալ Թագավորությունում սովորող ուսանողները կստանան 500 ֆունտ ստեռլինգին համարժեք ՀՀ դրամ, այլ երկրներում սովորող ուսանողները 600 եվրոյին համարժեք ՀՀ դրամ, իսկ ԱՄՆ-ում` 650 դոլարին համարժեք ՀՀ դրամ: Փոխարժեքը կհաշվարկվի Բրիտանական խորհրդի համակարգով:
ԺԱՄԱՆԱԿԱՑՈՒՅՑ
Վիճակահանությունը կանցկացվի 2017 թվականի հունիսին: Հաղթողները կհայտարարվեն վիճակահանության օրը:
Հայտի լրացման համար սեղմեք՝ այստեղ
