Այսօր Կենտրոն և Նորք-Մարաշ վարչական շրջանների ընդհանուր իրավասության դատարանը արդարացրել է ամբաստանյալ Վ.Գ.-ին, ով մեղադրվում էր գողության մեջ:
Այս մասին Իրավաբան.net-ին ասաց Վ.Գ.-ի իրավունքների պաշտպան, փաստաբան Մարինե Ֆարմանյանը:
Անձին մեղադրանք էր առաջադրվել է ՀՀ քրեական օրենսգրքի 177-րդ հոդվածի 2-րդ մասի 3-րդ կետով (գողություն, որը կատարվել է պահեստարան կամ շինություն ապօրինի մուտք գործելով):
Ըստ մեղադրական եզրակացության Վ.Գ.-ն ուրիշի գույքի գաղտնի հափշտակություն կատարելու դիտավորությամբ՝ իրեն հատկացված բանալու միջոցով բացել է Երևանի բուքմեյքերական գրասենյակներից մեկի մուտքի դուռը, ապա` զրկված լինելով ոչ աշխատանքային ժամերին գրասենյակի տարածք մուտք գործելու իրավունքից, ապօրինի մուտք է գործել գրասենյակի տարածք և միասնական դիտավորությամբ դրամարկղից գաղտնի հափշտակել է զգալի չափի` ընդհանուրը 370.000 ՀՀ դրամ գումար:
Մեղադրող դատախազը որպես պատիժ դատարանին խնդրել էր Վ.Գ.-ին դատապարտել 1 մլն դրամ տուգանքի:
Նախագահող դատավոր Մնացական Մարտիրոսյանն արդարացրել է նրան:
Լուսանկարում՝ ՓՊ հանրային պաշտպանի գրասենյակի փաստաբան Մարինե Ֆարմանյանը
Իրավաբան.net
