Ապրիլի 5-ին, Կենտրոն և Նորք Մարաշ վարչական շրջանների ընդհանուր իրավասության դատարանի կալանավորներին պահելու խցից փախուստի էր դիմել  31-ամյա Սպարտակ Դանիելյանը:

Ոստիկանության հասարակայնության հետ կապերի և լրատվության վարչությունից տեղեկացրին, որ նրան հայտնաբերել են:

Նշենք, որ 2014 թվական  Քրեական օրենսգրքի 178 հոդվածի 3-րդ մասով՝  խարդախության համար դատապարտված, 1985թ-ին ծնված, բարձրագույն կրթությամբ, մասնագիտությամբ բժիշկ, «Նուբարաշեն» քրեակատարողական հիմնարկի դատապարտյալ Սպարտակ Դանիելյանը ներկայումս նույնպես մեղադրվում է Քրեական օրենգրքի 178-րդ հոդվածով նախատեսված արարք՝ խարդախություն կատարելու համար:

2015 թ-ի,  ապրիլի 5-ին, ժամը 17.32-ի սահմաններում Կենտրոն և Նորք-Մարաշ վարչական շրջանների ընդհանուր իրավասության դատարանի կալանավորների պահելու համար նախատեսված խցում ձեռնաշղթայով փակված, ճաղավանդակը չպարզված եղանակով բացելու միջոցով դուրս է եկել դատարանի շենքից, ապա դատարանի ավտոկայանատեղիի պարիսպը մագլցելու եղանակով դիմել է փախուստի:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: 

Իրավաբան.net