Ինչպես հայտնել էինք, երեկ՝ ապրիլի 5-ին, Կենտրոն և Նորք Մարաշ վարչական շրջանների ընդհանուր իրավասության դատարանի կալանավորներին պահելու խցից փախուստի է դիմել 31-ամյա Սպարտակ Դանիելյանը:
Նշենք, որ 2014 թվական Քրեական օրենսգրքի 178 հոդվածի 3-րդ մասով՝ խարդախության համար դատապարտված, 1985թ-ին ծնված, բարձրագույն կրթությամբ, մասնագիտությամբ բժիշկ, «Նուբարաշեն» քրեակատարողական հիմնարկի դատապարտյալ Սպարտակ Դանիելյանը ներկայումս նույնպես մեղադրվում է Քրեական օրենգրքի 178-րդ հոդվածով նախատեսված արարք՝ խարդախություն կատարելու համար:
2015 թ-ի, ապրիլի 5-ին, ժամը 17.32-ի սահմաններում Կենտրոն և Նորք-Մարաշ վարչական շրջանների ընդհանուր իրավասության դատարանի կալանավորների պահելու համար նախատեսված խցում ձեռնաշղթայով փակված, ճաղավանդակը չպարզված եղանակով բացելու միջոցով դուրս է եկել դատարանի շենքից, ապա դատարանի ավտոկայանատեղիի պարիսպը մագլցելու եղանակով դիմել է փախուստի:
Իրավաբան.net-ին Քննչական կոմիտեից հայտնեցին, որ դեպքի առթիվ հարուցվել է Քրեական գործ 355 հոդվածի 2-րդ մասով, և միջոցներ են ձեռնարկվում փախոսւտի դիմած ամբաստանյալին հայտանաբերելու ուղղությամբ:
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
