Ոստիկանության անձնագրային և վիզաների վարչության պետ Մնացական Բիչախչյանը կոչով և հորդորով է հանդես եկել քաղաքացիներին, նա ֆեյսբուքյան հաշվում գրել է.
«Բազմիցս է նշվել նույնականացման քարտերի առավելությունները: Ներկայումս որպես հայեցակարգային մոտեցում համարվում է էլեկտրոնային քվեարկության միակ փաստաթուղթը նախատեսել նույնականացման քարտը (կրկնում եմ. այն դեռևս հայեցակարգային մոտեցում է): Կոչ եմ անում բոլորին դիմել և ստանալ նույնականացման քարտ հետագայում հնարավոր հերթերից խուսափելու համար:
Բացի այդ՝
- նույնականացման քարը որպես անձը հավաստող ներքին օգտագործման փաստաթուղթ առավել դյուրին է կրելը,
- այն ավելի դիմացկուն է, քան թղթային անձնագիրը,
- նույնականցման քարտում ամրագրվում է հանրային ծառայությունների համարանիշը և անհրաժեշտության դիմքում ստիպված չեք լինի դիմելու և ստանալու հանրային ծառայությունների համարանիշ, որը A4 ֆորմատի թղթով է տրամադրվում, շուտ է մաշվում և պատռվում,
- նույնականացման քարտ ունենալու դեպքում էլեկտրոնային ստորագրություն ձևավորելիս այն ավելի պաշտպանված է,
- նույնականացման քարտ ստանալուց հետո անձը կարող է ձևավորել պաշտոնական էլեկտրոնային փոստի հասցե,
- վճարահաշվարկային տերմինալներով կումանալ և այլ վճարումներ կատարելիս նույնականացման քարտը տերմինալի համապատասխան գրպանիկում մտցնելիս անմիջապես ներբեռնվում է ձեր տվյալները»:
Իրավաբան.net
