Օրեր առաջ լրատվամիջոցներով շրջանառվեց փաստաբան Ալեքսանդր Սիրունյանին գաղտնալսելու մասին լուրերը: Հրապարակմանը նույն օրը ընթացք է տրվել. «Նկատի ունենալով, որ այն չէր պարունակում կոնկրետ տեղեկություններ, թե որ քրեական գործով իրականացված օպերատիվ-հետախոզական միջոցառումների արդյունքում ձեռք բերված տվյալներին է վերաբերվում, առաջարկվել է փաստաբանին ներկայացնել փաստական հանգամանքներ և մարտի 1-ին փաստաբանը ներկայացրել է գրավոր հաղորդում»,- այս մասին տեղեկացրին ՔԿ մամուլի ծառայությունից:
Փոխանցեցին, որ ՔԿ նախագահի հանձնարարությամբ ներքին անվտանգության վարչությունում նշանակվել է ծառայողական քննություն:
