Սերժ Սարգսյանը նոր հրամանագրեր է ստորագրել ամսի 1-ին, որոնք նախագահականի կայքում են հայտնվել այսօր:

Հրամանագրերով նախագահը Դիվանագետի օրվա առթիվ պարգևատրումներ է կատարել:

Արդյունավետ և բարեխիղճ գործունեության համար Հայաստանի Հանրապետության Նախագահի օգնական Վարուժան Ներսիսյանը պարգևատրվել է Մխիթար Գոշի մեդալով, նույն մեդալով են պարգևատրվել նաև Հայաստանի Հանրապետության արտաքին գործերի նախարարության մամուլի, տեղեկատվության և հասարակայնության հետ կապերի վարչության պետի պաշտոնակատար Տիգրան Մկրտչյանն ու ԱԳՆ մամլո քարտուղար Տիգրան Բալայանը:

Դիվանագետի օրվա առթիվ, երկարամյա անբասիր գործունեության համար Բելգիայի Թագավորությունում Հայաստանի Հանրապետության արտակարգ և լիազոր դեսպան Թաթուլ Մարգարյանն ու  ԱԳ նախարարի տեղակալ Աշոտ Հովակիմյանը պարգևատրվել են «Հայրենիքին մատուցած ծառայությունների համար» 2-րդ աստիճանի մեդալով:

Բացի այդ, Սերժ Սարգսյանը նոր հրամանագրով Հայաստանի Հանրապետության արտակարգ և լիազոր դեսպանի դիվանագիտական աստիճան է շնորհել`

Արտակ Ապիտոնյանին Շվեդիայի Թագավորությունում Հայաստանի Հանրապետության արտակարգ և լիազոր դեսպան

Արաիկ Բադալյանին ՀԱՊԿ գլխավոր քարտուղարի տեղակալ

Արմեն Ղևոնդյանին Հայաստանի Հանրապետության արտաքին գործերի նախարարի խորհրդական

Ֆադեյ Չարչօղլյանին Քուվեյթի Պետությունում Հայաստանի Հանրապետության արտակարգ և լիազոր դեսպան

Արմեն Պապիկյանին Եվրոպայի խորհրդում Հայաստանի Հանրապետության մշտական ներկայացուցիչ.

Հայաստանի Հանրապետության արտակարգ դեսպանորդ և լիազոր նախարարի դիվանագիտական աստիճան շնորհել`

Հրայր Կարապետյանին Սանկտ Պետերբուրգում Հայաստանի Հանրապետության գլխավոր հյուպատոս

Գագիկ Հովհաննիսյանին Հայաստանի Հանրապետության արտաքին գործերի նախարարության սպառազինությունների վերահսկման և միջազգային անվտանգության վարչության ՆԱՏՕ-ի բաժնի խորհրդական

Հասմիկ Տոլմաջյանին Շվեյցարիայի Համադաշնությունում Հայաստանի Հանրապետության դեսպանության արտակարգ դեսպանորդ և լիազոր նախարար:

Իրավաբան.net