Ալիմենտ ստանալու իրավունք ունեցող անձը կարող է ալիմենտի բռնագանձման համար դիմել դատարան` անկախ ալիմենտի իրավունքի առաջացման պահից անցած ժամանակահատվածից, եթե ալիմենտ վճարելու վերաբերյալ համաձայնությամբ նախկինում ալիմենտ չի վճարվել:
Սակայն լինում են դեպքեր, երբ նույնիսկ դատարանը բավարարում է հայցապահանջը, սակայն վճռի կատարման հետ կապված խնդիրներ են առաջ գալիս: Գյումրիում աշխատող փաստաբան Վանուհի Գասպարյանը նշում է, որ հիմնականում այդ խնդիրն առաջ է գալիս, երբ պատասխանող անձը ՀՀ քաղաքացի չի լինում և բնակվում է արտերկրում.
«Ես ունեցել եմ դեպք, երբ պատասխանողն Ուկրաիանայում էր: Հարկայինի միջոցով տվյալները հանեցինք,պարզվեց, որ նա անհատ ձեռնարկատեր է, բավարար երկամուտներ ունի: Վճիռը կա, բայց դրա կատարումը բավականին բարդ խնդիր է դարձել»,- իրավաբանը հավելեց, որ մեկ տարի տևած դատավարությունից հետո այժմ էլ պետք է անցնեն բավականին ժամանակատար մեկ այլ փուլով. վճռի կատարումը թերևս պետք է իրականացվի միջպետական պայմանագրերի միջոցով:
«Կանանց իրավունքների օրակարգային հարցերի խթանում» ծրագիրն իրականացվում է Հայաստանի երիտասարդ իրավաբանների ասոցիացիայի կողմից՝ ՀՀ-ում Գերմանիայի Դաշնային Հանրապետության դեսպանության աջակցությամբ: Ծրագրի շրջանակներում Երևանում և ՀՀ 4 մարզերում 2015 թվականի մայիսի 1-ից քաղաքացիներին տրամադրում է անվճար իրավաբանական խորհրդատվություն՝ կանանց իրավունքների վերաբերյալ:
