Մարդու իրավունքների եվրոպական դատարանում Հայաստանը ներկայացնող դատավորի թափուր պաշտոնի համար հայտարարված նոր մրցույթին մասնակցելու հայտ է ներկայացրել միջազգային իրավունքի մասնագետ Արա Ղազարյանը: Նշենք, որ նա առաջին մրցույթում հաղթած երեք թեկնածուներից մեկն էր:
Իրավաբան.net-ի հետ զրույցում Արա Ղազարյանը նշեց, որ մրցույթում նորից հաղթելու վստահություն է ներշնչում այն հանգամանքը, որ առաջին մրցույթը գնահատած Եվրոպայի խորհրդի խորհրդատվական մարմինը իր թեկնածությունը գնահատել է որպես Մարդու իրավունքների և հիմնարար ազատությունների պաշտպանության մասին կոնվենցիայի 21-րդ հոդվածի 1-ին մասին համապատասխանող: Այսինքն` նա ունի բարձր բարոյական նկարագիր և բավարարում է բարձր դատական պաշտոններում նշանակվելիս ներկայացվող պահանջները և ճանաչված, իրազեկ իրավագետ է:
Արա Ղազարյանը կարևորեց նաև այն հանգամանքը, որ Եվրոպայի խորհրդի խորհրդատվական մարմինը առաջին մրցույթի վերաբերյալ ընթացակարգային խախտումներ չի արձանագրել:
Թեև որոշակի վստահություն կա, սակայն թեկնածուն ոչինչ չի բացառում. «Չի բացառվում, որ ավելի լավ թեկնածուներ լինեն, մրցույթը մնում է մրցույթ»,- ասաց Արա Ղազարյանը:
Չի բացառվում, որ ավելի լավ թեկնածուներ լինեն. Արա Ղազարյանը ՄԻԵԴ դատավորի մրցույթի մասին
![](/banner/iravaban-net_840x90.png)
![](https://iravaban.net/wp-content/uploads/2014/10/Ara-Xazaryan-310314-1-440x2931.jpg)