Ղազախստանի Ակտաու քաղաքի օդանավակայանում կործանվել է Բաքվից Գրոզնի թռչող «Ադրբեջանական ավիաուղիների» ինքնաթիռը, հայտնում են ադրբեջանական և ղազախական լրատվամիջոցները։

Հրապարակվել են ինքնաթիռի կործանման կադրերը։

Նախնական տվյալներով՝ մինչև անկումը ինքնաթիռը առնվազն մեկ շրջան է կատարել Ակտաուի օդանավակայանի վրայով։

Գրոզնիում մառախուղի պատճառով Բաքվից ինքնաթիռը ուղղորդվել է Մախաչկալա, այնուհետև Ակտաու, ՌԻԱ Նովոստիին հայտնել են Չեչնիայի մայրաքաղաքի օդանավակայանի մամուլի ծառայությունից։

Ղազախստանի արտակարգ իրավիճակների նախարարությունը հայտնում է, որ Ակտաուում ավիավթարից հետո ողջ մնացածներ կան։

Լրատվամիջոցների տվյալներով՝ կործանված ինքնաթիռում եղել է 67 ուղեւոր և անձնակազմի հինգ անդամ։

Տեսանյութը՝ այստեղ։