Telegram-ի հիմնադիր Պավել Դուրովը դատական հսկողության տակ է գտնվում, նրան արգելված է լքել Ֆրանսիայի տարածքը, հայտնում է Forbes-ը՝ հղում կատարելով Փարիզի դատախազության հաղորդագրությանը։
Հաղորդագրության մեջ ասվում է, որ նա 5 միլիոն եվրո գրավի դիմաց ազատ կարձակվի և շաբաթը երկու անգամ պետք է ներկայանա ոստիկանական բաժանմունք։
Հիշեցնենք, որ Պավել Դուրովը Ֆրանսիայի ոստիկանության կողմից ձերբակալվել է շաբաթ երեկոյան՝ Փարիզի «Լե Բուրժե» օդանավակայանում․ նա իր անձնական ինքնաթիռով ժամանում էր Ադրբեջանից:
Դուրովին մեղադրանք է առաջադրվել նախկինում հայտարարված 12 հանցագործություններից 6-ում, այդ թվում՝ իշխանությունների հետ համագործակցելուց հրաժարվելու, հանցագործություններ թաքցնելու համար։
Փարիզի դատախազությունը հայտնել է նաև, որ Դուրովին մինչև 10 տարվա ազատազրկում է սպառնում՝ անօրինական գործարքներ կատարելու նպատակով առցանց հարթակն օգտագործելու համար։
