Fitch վարկանիշային գործակալությունը Հայաստանի և Ադրբեջանի միջև լայնամասշտաբ ռազմական էսկալացիա չի ակնկալում, ինչի մասին ասված է երկրների տնտեսական զարգացման վերաբերյալ նրանց կանխատեսումներում։
Երկու երկրների միջև խաղաղության պայմանագրի կնքումը գնահատվում է որպես բարդ գործընթաց՝ հաշվի առնելով Ադրբեջանի պահանջները Հայաստանի նկատմամբ (արտատարածքային միջանցքի և Սահմանադրության փոփոխությունների վերաբերյալ), սակայն գործակալության բազային սցենարում Հայաստանի և Ադրբեջանի միջև լայնամասշտաբ ռազմական էսկալացիա չի սպասվում՝ նույնիսկ հաշվի առնելով, որ ադրբեջանական զորքերը դեռևս մնում են Հայաստանի տարածքի առանձին հատվածներում, և երկու երկրների միջև ժամանակ առ ժամանակ փոխհրաձգություններ են տեղի ունենում:
Աշխարհաքաղաքական կանխատեսումներում «Fitch»-ն անդրադարձել է նաև Ռուսաստանի հետ հարաբերություններին։ Գործակալության գնահատմամբ՝ չնայած Հայաստանի և Ռուսաստանի քաղաքական հարաբերությունների վատթարացմանը, տնտեսական կապերը մնում են շատ ամուր, իսկ Հայաստանի էներգետիկ կախվածությունը Ռուսաստանից՝ շատ բարձր:
