Սերիական մարդասպան Յուրի Գրիցենկոն, ով հայտնի է «Զելենոգրադսկի Չիկատիլո» մականունով, մեկնել է Ուկրաինա՝ կռվելու, գրում է Shot-ը։
Նախկին ոստիկան Յուրի Գրիցենկոն, ով հեռացվել է իրավապահ համակարգից ալկոհոլի հետ կապված խնդիրների պատճառով, իր առաջին սպանությունը կատարել է 1993 թվականին։ Նա թավայով ծեծելով սպանել է մարմնավաճառի: Այնուհետև նա հայտնվել է քրեակատարողական հիմնարկում, ինը տարի անց նա պայմանական վաղաժամկետ ազատ է արձակվել և սկսել իրական որսը կանանց նկատմամբ Մոսկվայում և Մոսկվայի մարզում. նա թիկունքից գաղտագողի էր մոտենում զոհերին և մուրճով հարվածում նրանց ծոծրակին:
Մի քանի ամսվա ընթացքում նա սպանել է հինգ կնոջ, վիրավորել՝ տասին։
Արդյունքում «Զելենոգրադսկի Չիկատիլոն» դատապարտվել է 22 տարվա ազատազրկման խիստ ռեժիմի գաղութում, որից 13-ը նա անցկացրել է պատժախցում։ Գրիցենկոն պետք է ազատ արձակվեր այս ամռանը, սակայն ավելի վաղ է ազատ արձակվել։ Ըստ լրագրողների՝ 2023 թվականի սեպտեմբերին նա գրանցվել է Storm Z ջոկատում և մեկնել Ուկրաինա։
62-ամյա սերիական մարդասպանին առողջական պատճառներով չեն ընդունել գրոհային ինքնաթիռ, սակայն պարզվել է, որ նա հարմար է բժշկական տարհանման դասակի համար։
