Տավուշի մարզային փրկարարական վարչության ճգնաժամային կառավարման կենտրոնն ապրիլի 7-ին, ժամը 08։33-ին ահազանգ է ստացվել, որ Դիլիջանի առաջին ոլորանում տեղի է ունեցել ՃՏՊ՝ գազատար ավտոմեքենան շրջվել է, ներսում քաղաքացի կա. անհրաժեշտ է փրկարարների օգնությունը:
Ինչպես տեղեկացնում են ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի երկու մարտական հաշվարկ։
Ըստ աղբյուրի՝ պարզվել է, որ Իջևան-Երևան ավտոճանապարհի 59-րդ կմ-ին «Iveco» մակնիշի ավտոցիստեռնը՝ բեռնված 20 տոննա հեղուկ գազով (վարորդ՝ Ա. Ա., ծնված 1972 թ.) կողաշրջվել է, գազի արտահոսք չկա. մեքենայի բաքից առկա է դիզելային վառելիքի արտահոսք:
Նշվում է, որ փրկարարները սահմանազատել են տարածքը, հոսանքազրկել բեռնատարը, մեքենայի խցիկից դուրս բերել վարորդին և մոտեցրել շտապօգնության աշխատակիցներին, որոնք արձանագրել են վարորդի մահը:
ՆԳՆ ՓԾ տեղեկացմամբ՝ փրկարարները կատարել են ցիստեռնի հովացման և ճանապարհահատվածի լվացման աշխատանքներ. անվտանգության նկատառումներից ելնելով տեղում իրականացվում է հերթապահություն:
![May be an image of 2 people, ambulance and road](https://scontent.fevn4-2.fna.fbcdn.net/v/t39.30808-6/436350932_387880667541375_2199304595736453121_n.jpg?_nc_cat=102&ccb=1-7&_nc_sid=5f2048&_nc_ohc=rBRrCPer3ioAb6vbAyc&_nc_ht=scontent.fevn4-2.fna&oh=00_AfA7UsUmBgvwPGt4WkbHzWFilv2gfB_TGC71kheQveB6dA&oe=6618569D)
![May be an image of 4 people, road and text](https://scontent.fevn4-1.fna.fbcdn.net/v/t39.30808-6/436014695_387880597541382_4180402127845089255_n.jpg?_nc_cat=111&ccb=1-7&_nc_sid=5f2048&_nc_ohc=KvZTHhZg5KEAb7kb15C&_nc_ht=scontent.fevn4-1.fna&oh=00_AfCzMd0PqoU-hqryJ4UJBKHns815fNLJEyB4FMmmhwjYgA&oe=661846E9)
![May be an image of 1 person and text](https://scontent.fevn4-2.fna.fbcdn.net/v/t39.30808-6/436510424_387880574208051_3091212580124118025_n.jpg?_nc_cat=109&ccb=1-7&_nc_sid=5f2048&_nc_ohc=1vE9OvO6JP8Ab54ur8m&_nc_ht=scontent.fevn4-2.fna&oh=00_AfAvhB-fQVTw_J2sRhDzkSp_jsMsj2dnDD2dBuX9OST7DQ&oe=6618541D)