Մոսկվայի քաղաքապետ Սերգեյ Սոբյանինը հայտնել է, որ ռուսական հակաօդային պաշտպանության համակարգերը Մոսկվայի մարզի տարածքում երկու մարտական անօդաչու թռչող սարք են խոցել, որոնք շարժվել են դեպի մայրաքաղաք, գրում է BBC-ի ռուսական ծառայությունը։
«Երկու մարտական անօդաչուների՝ դեպի քաղաք թռչելու փորձ է եղել։ Երկուսն էլ խփվել են հակաօդային պաշտպանության կողմից։ Մեկը գտնվում է Դոմոդեդովոյի շրջանում, երկրորդը՝ Մինսկի մայրուղու տարածքում»,- գրել է նա Telegram-ում։
Ըստ Սոբյանինի՝ բեկորների անկման հետևանքով տուժածների մասին տեղեկություններ չկան։ Անկման վայրերում են արտակարգ ծառայությունների աշխատակիցները։ Ավելի ուշ ՌԴ ՊՆ-ն հայտնել է, որ անօդաչուները փորձել են գրոհել մերձմոսկովյան օբյեկտները և ոչնչացվել են։
