Արցախը 232 օր է շրջափակման մեջ է։

Ադրբեջանը մեկ ամսից ավել է, ինչ արգելափակել է բոլոր տեսակի բեռների և հումանիտար փոխադրումները դեպի Արցախ։

Հայաստանը հուլիսի 26-ին 360 տոննա մարդասիրական օգնություն է ուղարկել, որպեսզի հասցվի Արցախի ժողովրդին։ Հումանիտար բեռներ տեղափոխող բեռնատարները հասել են Կոռնիձոր՝ սպասելով ռուսական խաղաղապահ զորախմբի հրամանատարության արձագանքին, որպեսզի հնարավոր լինի բեռները հասցնել Արցախի Հանրապետության տարածք։ Ուղարկված բռները վեց օր է, ինչ գնտվում են Կոռնիձորում։ Ադրբեջանը թույլ չի տալիս մարդասիրական բեռները, որոնց մեջ նաև մանկական սնունդ ու դեղորայք է, անցնի ԱՀ տարածք։

Նշենք, որ բեռների տեղափոխման համար սպասում են ռուսական խաղաղապահ առաքելություն իրականացնող զորախմբի հրամանատարական կազմի արձագանքին։

Արցախի նախագահ Արայիկ Հարությունյանը հայտարարեց, որ որոշակի ակտիվացում է նկատվում իրավիճակի կարգավորման նպատակով իրականացվող միջազգային ջանքերում։ Սակայն հարկ է նշել, որ գործնական քայլեր դեռ չկան, դա է փաստում այն, որ Լաչինի միջանցքը դեռ փակ է, մարդասիրական օգնությունը Կոռնիձորում է։ Ինչպես նաև ադրբեջանական սադրանքը հասել է այն մակարդակի, որ անօրինական տեղադրված անցակետից արցախի քաղաքացուն տանում են Բաքու՝ շինծու մեղադրանքներով։ Ինչպես նաև անկատար է մնում Արդարադատության միջազգային դատարանըի պահանջը։

Փետրվարի 22-ին Արդարադատության միջազգային դատարանը հրապարակել է Հայաստանի ներկայացրած պահանջի վերաբերյալ որոշումը ու փաստել․ «Դեկտեմբերի 12-ից կապը Լաչինի միջանցքով խաթարված է, խոչընդոտվել է Լեռնային Ղարաբաղ սննդամթերքի, դեղորայքի և անհրաժեշտ այլ ապրանքների մատակարարումը ինչն անուղղելի վնաս կարող է պատճառել․

«Դատարանը համարում է, որ ժամանակավոր միջոց կիրառելն անհրաժեշտ է, դատարանն արձանագրում է, որ Ադրբեջանը պարտավոր է ձեռնարկել իրենով պայմանավորված միջոցները Լաչինի միջանցքով մարդկանց ու բեռների անխափան շարժը երկու ուղղությամբ ապահովելու համար»,-ասվում է դատարանի որոշման մեջ։