ԱՄՆ պաշտպանության նախարարության առաջադեմ հետազոտական նախագծերի գործակալությունը (DARPA) մտադիր է աշխատանքի ընդունել մասնագետների, որոնք նոր հեղափոխական ռազմական տեխնոլոգիաներ են մշակում։ Ինչպես հաղորդում է RT-ն՝ այս նախագիծն ուղղված է ապագայում ԱՄՆ-ի «ռազմական գերազանցությանն աջակցելուն»։
Հաղորդվում է, որ DARPA-ի մարտավարական տեխնոլոգիաների բաժինը հետաքրքրված է կիրառական հետազոտությունների և առաջադեմ տեխնոլոգիաների մշակմամբ՝ «պատերազմի ապագան վերաիմաստավորելու համար»: Խոսքը օդում, ցամաքում, ծովում և տիեզերքում ռազմական գործողությունների մասին է։
Պենտագոնը պատրաստ է նախնական պայմանագրեր կնքել մասնագետների հետ մինչև 1 միլիոն դոլարի չափով: Նրանք բացատրել են, որ ԱՄՆ հակառակորդներն արդեն ունեն «միջոցներ դիմակայելու ներկայիս ռազմական ճարտարապետությանը», որն ունի Միացյալ Նահանգները: Ուստի հիմա նրանց նոր զարգացումներ են պետք։
Միացյալ Նահանգները մտադիր է ուշադրություն դարձնել ժամանակակից հակաօդային պաշտպանության համակարգերին (ADS) հակազդելու համակարգերի ստեղծման առաջարկներին, նոր սերնդի անօդաչու թռչող սարքերի ստեղծմանը։
