Iravaban.net-ը հայտնում է, որ սեպտեմբերի 6-ին փոխվել են COVID-19-ով պայմանավորված ՀՀ քաղաքացիների Նիդերլանդներ մուտքի և ելքի սահմանափակումների մասին կանոնները։

Սահմանը հատելու ռեժիմը

Հայաստանը Նիդերլանդների ԱԳՆ «ճամփորդական խորհուրդներ» բաժնում ներառված է կանաչ գոտու երկրների ցանկում՝ մասնակի կարմիր նշումներով, որն ամբողջությամբ ներառում է Հայաստանի արևելյան սահմանային գոտին։

Երկիր մուտք գործելու սահմանափակումները (առողջապահական և այլն)

2022թ․ մարտի 23-ից վերացվել է երկիր մուտք գործելու արգելքն ԵՄ և Շենգենյան գոտու երկրներից, ինչպես նաև՝ ԵՄ/Շենգենյան գոտուց դուրս գտնվող, սակայն ապահով համարվող երկրներից ժամանողների նկատմամբ։

ԵՄ մուտքի արգելքը շանումակում է գործել Միության և շենգենյան տարածքից դուրս բնակվող ճամփորդողների համար, սակայն այս դասակարգման մեջ ներառված ճամփորդողների նկատմամբ Նիդերլանդներ մուտքի արգելքը գործում է բացառություններով։ Վերջիններս կարող են անարգել մուտք գործել Նիդերլանդների տարածք, եթե ժամանում են ապահով երկրից կամ ներկայացնում են ամբողջական պատվաստման կամ COVID-19 վարակից ապաքինված լինելը հավաստող փաստաթուղթ։

Վերոնշյալ դասակարգման մեջ ընդգրկված ճամփորդողներն ազատված են Նիդերլանդներ մուտք գործելու համար առողջության մասին հայտարարագիր լրացնելու, մեկնումից առաջ թեստ հանձնելու և ինքնամեկուսանալու պահանջից։

Նիդերլանդներ մուտքի վերաբերյալ պարբերական թարմացումները հասանելի են ստորև ներկայացվող հղումով։

https://www.government.nl/topics/coronavirus-covid-19/visiting-the-netherlands-from-abroad/checklist-entry/from-outside-the-eu