Ռուսաստանի նախագահ Վլադիմիր Պուտինն ասել է, որ Կիև լրացուցիչ զենքի մատակարարումների շուրջ աղմուկը միայն մեկ նպատակ ունի: Այս մասին ասել է նա Россия 1 հեռուստաալիքով Պավել Զարուբինին տված հարցազրույցում, փոխանցում է «ՌԻԱ Նովոստին»:
«Ընդհանուր առմամբ, զենքի լրացուցիչ մատակարարումների շուրջ այս ամբողջ աղմուկը, իմ կարծիքով, ունի միայն մեկ նպատակ՝ հնարավորինս ձգձգել այս զինված հակամարտությունը», – ասել է Ռուսաստանի ղեկավարը:
Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:
ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։
