Օգոստոսի 10-ից Վրաստանում խստացվում են հակահամաճարակային սահմանափակումները: Որոշումը նախօրեին ընդունել է կառավարությանը կից գործող կորոնավիրուսի տարածման կանխարգելման միջգերատեսչական համակարգող խորհուրդը:
Այս մասին հայտնում է Aliq.ge-ն։
Ուժի մեջ են մտնում հետևյալ սահմանափակումները.
- Դիմակ կրելը պարտադիր է դառնում բաց տարածքում, որտեղ հավաքված է 5 և ավելի մարդ,
- Կորոնավիրուսով արդեն հիվանդացած և մեկ չափաբաժնով պատվաստված անձինք սահմանը հատելիս կունենան նույն իրավունքները, ինչ 2 չափաբաժնով պատվաստվածները,
- Սոցիալական տարբեր միջոցառումներ կազմակերպելու համար սննդի կետերն առաջին անգամ կտուգանվեն 10 հազար լարիով, իսկ կրկնվելու դեպքում ՝ սրահները կփակվեն,
- Արգելվում է գիշերային ակումբների գործունեությունը ինչպես բաց, այնպես էլ փակ տարածքներում,
- Սննդի կետերի աշխատանքը սահմանափակվում է 00:00-ից 05:00-ն ընկած ժամանակահատվածում:
Երկրի Առողջապահության նախարար Էկատերինե Տիկարաձեի խոսքով, սահմանափակումների խստացումից հետո միջինում 10 օրից երկու շաբաթ է պահանջվում, որպեսզի դրանք ազդեն համաճարակային իրավիճակի վրա:
