Կոտայքի մարզի առաջին ատյանի ընդհանուր իրավասության դատարնում շարունակվում է քննվել նախկինում դատվածություն չունեցող Աշոտ Մ. Ղ.-ին առաջադրված գործի քննությունը:

Վերջինս, վարելով «Միլենա» տաքսի ծառայության ավտոմեքենան, ժամանակին միջոցներ չի ձեռնարկել ընթացքը կանգնեցնելու համար: Արդյունքում վրաերթի է ենթարկել Առինջ գյուղի բնակչուհի Թամարա Ե. Ա.-ին:

Այնուհետև, մեքենայի մեջ ուղևոր լինելու փաստն օգատգործելով` ինքնակամ թողել է պատահարի վայրը:

Վրաերթի հետևանքով մարմնական վնասվածքներ ստացած Թամարա Ե. Ա.-ն շտապ օգնության ավտոմեքենայով տեղափոխվել է «Սուրբ Գրիգոր Լուսավորիչ» բժշկական կենտրոն: Ստացած մարմնական վնասվածքների հետևանքով մահացել է:

Աշոտ Մ. Ղ.-ի նկատմամբ որպես խափանման միջոց ընտրվել է կալանավորումը:

Նյութի սկզբնաղբյուրը հանդիսանում է www.datalex.am կայքը:

Ծանուցում. Հանցագործության մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Աղբյուրը` Իրավաբան.net