Ադրբեջանում թուրքական ռազմաբազա ստեղծելու հարցը երբեք չի քննարկվել, ասել է հանրապետության նախագահ Իլհամ Ալիեւը թուրքական A-Haber հեռուստաալիքին տված հարցազրույցում:
«Ադրբեջանում բազայի ստեղծումը երբեք քննարկման առարկա չի եղել», – նրա խոսքերը մեջբերում է «ՌԻԱ Նովոստին»:
Մեկնաբանելով Ղարաբաղ խաղաղապահներ բերելու առաջարկները՝ Ալիևը հայտարարել է, որ «Ռուսաստանի նախագահի վարչակազմը ճիշտ է նշել, որ հարցը պետք է լուծվի երկու կողմերի համաձայնությամբ»:
«Ինչպես ես բազմիցս ասել եմ, հիմնական սկզբունքները ներառում են խաղաղապահների ներդրման մասին կետ: Բայց ամենավերջին փուլում: Այսօր այդ մասին խոսելը դեռ վաղ է», – ավելացրեց Ադրբեջանի նախագահը:
