Քիչ առաջ ֆեյսբուքյան օգտատերերից մեկը լուսանկար էր հրապարակել Կապանի բժշկական կենտրոնից, որտեղ երևում է, որ մանկական բաժանմունքի միջանցքում մահճակալներ են տեղադրված: Առողջապահության նախարարության հիվանդությունների վերահսկման և կանխարգելման ազգային կենտրոնը (ՀՎԿԱԿ) կապվել է հաստատության հետ։ Այս մասին հայտնում է առողջապահության նախարարության մամուլի խոսնակ Ալինա Նիկողոսյանը։
«Արդյունքում պարզվել է, որ մանկական բաժանմունքը ծավալված է 10 մահճակալի համար, սակայն Կապանի ԲԿ-են դիմում նաև հարակից համայնքներից հիվանդներ։ Մահճակալների միջանցքում տեղադրումը պայմանավորված է եղել ցերեկային ստացիոնար ձևակերպված երեխաներին բժշկական միջամտություն ցուցաբերելու համար։
ՀՎԿԱԿ մասնագետների կողմից տեղում առաջարկ է արվել մահճակալները ծավալել հարակից բաժանմունքներում՝ ապահելով բժշկի և բուժքույրի լիարժեք ընդգրկում։ Վաղը մասնագետները կրկին կայցելեն ԲԿ՝ առաջարկության կատարման լիարժեքությունն ապահովելու համար»։
