Արդարադատության նախարարությունը հանրային քննարկման է ներկայացրել «Պետական տուրքի մասին» օրենքում փոփոխություններ և լրացումներ կատարելու մասին նախագիծը:
Նախատեսվում է, որ ՀՀ քաղաքացու կամ փախստականի կամ քաղաքացիություն չունեցող անձի նույնականացման քարտ տալու համար կգանձվի էբազային տուրքի
3-ապատիկի չափով:
ՀՀ-ում մշտապես բնակվող քաղաքացիություն չունեցող անձանց տրվող կոնվենցիոն ճամփորդական փաստաթուղթ տալու կամ փոխանակելու համար կգանձվի բազային տուրքի 25 հազար դրամի չափով:
Կացության կարճաժամկետ կարգավիճակ և կացության քարտ տալու կգանձվի բազային տուրքի նաև 105 հազար դրամի չափով:
Մշտական կացության կարգավիճակ, երկարաժամկետ կացության քարտ տալու, կգանձվի բազային տուրքի 140 հազար դրամի չափով:
Կսահմանվեն ՀՀ մուտքի վիզա տրամադրելու դիմումները քննարկելու համար պետական տուրքի դրույքաչափերը.
| ա) առավելագույնը 30 օր ժամկետով գտնվելու իրավունքով Հայաստանի Հանրապետություն եզակի այցելության մուտքի վիզա տրամադրելու դիմումները քննարկելու համար, ներառյալ` մուտքի վիզա տալը` | 5 հազար դրամի չափով |
| բ) առավելագույնը 30 օր ժամկետով գտնվելու իրավունքով Հայաստանի Հանրապետություն երկակի այցելության մուտքի վիզա տրամադրելու դիմումները քննարկելու համար, ներառյալ` մուտքի վիզա տալը` | 10 հազար դրամի չափով |
| գ) առավելագույնը 90 օր ժամկետով գտնվելու իրավունքով Հայաստանի Հանրապետություն եզակի կամ երկակի այցելության մուտքի վիզա տրամադրելու դիմումները քննարկելու համար, ներառյալ` մուտքի վիզա տալը` | 15 հազար դրամի չափով |
| դ) առավելագույնը 90 օր ժամկետով գտնվելու իրավունքով և մինչև վեց ամիս վավերականության ժամկետով Հայաստանի Հանրապետություն բազմակի այցելության մուտքի վիզա տրամադրելու դիմումները քննարկելու համար, ներառյալ` մուտքի վիզա տալը | 20 հազար դրամի չափով |
| ե) առավելագույնը 180 օր ժամկետով գտնվելու իրավունքով և մինչև մեկ տարի վավերականության ժամկետով Հայաստանի Հանրապետություն բազմակի այցելության մուտքի վիզա տրամադրելու դիմումները քննարկելու համար, ներառյալ` մուտքի վիզա տալը | 40 հազար դարամի չափով |
| զ) Հայաստանի Հանրապետություն եզակի կամ երկակի մուտքի տարանցիկ վիզա տրամադրելու դիմումները քննարկելու համար, ներառյալ` մուտքի վիզա տալը` | 10 հազար դրամի չափով |
| է) Հայաստանի Հանրապետություն բազմակի մուտքի տարանցիկ (մինչև մեկ տարի վավերականության ժամկետով) վիզա տրամադրելու դիմումները քննարկելու համար, ներառյալ` մուտքի վիզա տալը` | 20 հազար դրամի չափով |
