Պետական վերահսկողության ծառայության պետ Դավիթ Սանասարյանի (լիազորությունները ժամանակավորապես կասեցված) կողմից երեխայի վրաերթի ենթարկելու վերաբերյալ տեսանյութն ուսումնասիրվում է:
Այս մասին հայտնում են ոստիկանության լրատվության վարչությունից։
Հիշեցնենք, որ Analitik.am-ը լուր էր տարածել, որ Դավիթ Սանասարյանը վրաերթի է ենթարկել երեխայի:
Ավելի ուշ Դավիթ Սանասարյանը հերքել էր լրատվականի տեղեկությունները, ինչից հետո Analitik.am-ը հրապարակեց տեսանյութ, ըստ որի, Դավիթ Սանասարյանը վրաերթի է ենթարկել 9-ամյա երեխայի:
Տեսանյութի հրապարակումից հետո Դավիթ Սանասարյանը ֆեսյբուքյան գրառումով հայտնեց, որ մեղադրանքը շինծու է։
