«Միասին» հաշմանդամություն ունեցող անձանց շահերի պաշտպանության ՀԿ-ն հուլիսի 1-ից սկսել է իր գործունեությունը Արարատի մարզում: Նպատակը կոռուպցիայի դեմ պայքարն է կրթական ոլորտում:
«Մեր թիրախում հիմնականում կրթօջախներն են՝ ավագ դպրոցներ և միջին մասնագիտական: Նրանց հետ կոնտակտի մեջ ենք մտել, պայմանավորվածություններ ենք ձեռք բերել հանդիպումներ ունենալ աշակերտների և ծնողական խորհուրդների անդամների հետ»,- ասաց կազմակերպության ղեկավար Տիգրան Շիրինյանը:
«Առաջին հանդիպումը վաղն է և մյուս օրը, նախատեսում ենք մինչև 10-ը հանդիպումներ, հիմնականում խոսելու ենք կոռուպցիայի վերաբերյալ խնդիրներից: Ներկայացնելու ենք նաև միջազգային փորձը, կրթական հաստատությունների լավագույն օրինակները»,- ասաց Տիգրան Շահինյանը:
Նա նաև հավելեց, որ Արարատի մարզում՝ 200-250 քաղաքացիների շրջանում իրականացվելու են սոցհարցումներ՝ կրկին խնդրին առնչվող:
«Այսպիսով մենք վեր կհանենք խնդիրներն, իսկ իրազեկության միջոցով մարդկանց իրավագիտակցությունը կբարձրացնենք: Մենք աշակերտներին իրազեկելով կստիպենք, որ հասկանալ՝ ինչն է կոռուպցիոն երևույթ, որովհետև շատ դեպքերում նրանք տեղյակ չեն լինում ու դառնում են կոռուպցիայի զոհ»,- նշեց մեր զրուցակիցը:շ
«Կոռուպցիայի դեմ պայքարի բազմակողմանի խթանում» ծրագիրն իրականացվում է Հայաստանի երիտասարդ իրավաբանների ասոցիացիայի կողմից՝ գործընկեր՝ Ինֆորմացիայի ազատության կենտրոնի հետ համատեղ՝ Եվրոպական Միության և ԵԱՀԿ ֆինանսական օժանդակությամբ:
Գ.Թոսունյան
