ՀՀ կառավարության 2008 թվականի 11 դեկտեմբերի N 1465-Ն որոշման համաձայն քաղաքացիներին հնարավորություն է ընձեռվում իրենց ցանկությամբ առավել սեղմ ժամկետներում ստանալ անձնագիր կամ նույնականացման քարտ:
Այդ նպատակով տվյալ որոշմամբ սահմանվում են գանձվող վճարների չափերը և գանձվող վճարների դիմաց անձնագիր կամ նույնականացման քարտ տրամադրելու (փոխանակելու) ժամկետները:
Այսպես, Հայաստանի Հանրապետության քաղաքացու կորած անձնագրի փոխարեն նոր անձնագիր տալը մեկ աշխատանքային օրվա ընթացքում նախատեսված է 60000 ՀՀ դրամ:
Հայաստանի Հանրապետության քաղաքացու կորած անձնագրի փոխարեն նոր անձնագիր տալը 3-րդ աշխատանքային օրը՝ 50000 ՀՀ դրամ:
Հայաստանի Հանրապետության քաղաքացու կորած անձնագրի փոխարեն նոր անձնագիր տալը 5-րդ աշխատանքային օրը՝ 40000 ՀՀ դրամ:
Հայաստանի Հանրապետության քաղաքացու անձնագիր տալը կամ փոխանակելը` մեկ աշխատանքային օրվա ընթացքում՝ 20000 ՀՀ դրամ:
Հայաստանի Հանրապետության քաղաքացու անձնագիր տալը կամ փոխանակելը 3-րդ աշխատանքային օրը՝ 10000 ՀՀ դրամ:
Կորած նույնականացման քարտի փոխարեն նոր նույնականացման քարտ տալը մեկ աշխատանքային օրվա ընթացքում՝ 40000 ՀՀ դրամ:
Կորած նույնականացման քարտի փոխարեն նոր նույնականացման քարտ տալը 3-րդ աշխատանքային օրը՝ 20000 ՀՀ դրամ
Նույնականացման քարտ տալը կամ փոխանակելը մեկ աշխատանքային օրվա ընթացքում՝ 20000 ՀՀ դրամ
Նույնականացման քարտ տալը կամ փոխանակելը 3-րդ աշխատանքային օրը՝ 10000 ՀՀ դրամ:
