Այսօր ոստիկանության Կենտրոնի բաժնի մոտ հավաքված էին էլեկտրաէներգիայի թանկացման դեմ բողոքի ակցիան ցրելուց հետո բերման ենթարկված ակտիվիստների ընկերներն ու հարազատները: Նրանց մեջ էր նաև տարեց մի տղամարդ, ում կնոջը նույնպես բերման էին ենթարկել ոստիկանության բաժին:
Իրավաբան.net-ին նա պատմեց, որ Բաղրամյան պողոտայում շատ կարճ ժամանակ են եղել ու փողոցում քայլելիս են եղել, երբ կնոջը բռնել են ոստիկաններն ու բերման ենթարկել: Բաժին եկած Մարդու իրավունքների պաշտպանի գրասենյակից ներկայացուցչին նա խնդրում էր, որ շուտ բաց թողնեն կնոջը` Թամար Զախարյանին:
