Լույս են տեսել «Քննիչի գրադարան» մատենաշարի առաջին հինգ հատորները: Այս մասին իր Ֆեյսբուքյան հաշվում գրել է աշխատությանհեղինակ Հակոբ Ղարախանյանը: «Մատենաշարը քննիչի աշխատանքի կազմակերպման գիտագործնական հիմունքների ժողովածու է, ուղղված քննիչներին, իրավաբան ուսանողներին և հետաքրքրասեր անձանց»,- նշել է նա։
ՀՀ քննչական կոմիտեի նախագահի տեղակալ, իրավագիտության դոկտոր Արթուր Ղամբարյանն նույնպես անդրադարձել է այս աշխատությանը՝ նշելով. «Հեղինակը, աշխատանքում ներկայացրել է իր՝ երկար տարիների քննչական աշխատանքի փորձի վրա հիմնված տեղեկատվություն: Նյութըշարադրված է հանրամատչելի ոճով, ինչը հնարավորություն է տալիս ընթերցողին առանց բարդությունների հասկանալ քննիչի աշխատանքի պատասխանատվությունը և ստեղծագործական բնույթը, դրա կազմակերպման բարդությունները և հետաքրքրությունը»:
Գրքերի լուսանկարները՝ Հակոբ Ղարախանյանի ՖԲ հաշվից
