Ճանապարհային ոստիկանության 2-րդ սպայական գումարտակի (մարզերի ՃՈ) պետ Սուրիկ Խուդոյանն այսօր՝ փետրվարի 23-ին, ազատվել է զբաղեցրած պաշտոնից՝ գրանցվելով կադրերի ռեզերվում: Այս մասին Իրավաբան.net-ին փոխանցեցին ՀՀ ոստիկանության հասարակայնության հետ կապի և լրատվության վարչությունից:
Աղբյուրը նաև փոխանցեց, որ զբաղեցրած պաշտոնից ազատվել է նաև ՃՈ Երեւանի հաշվառման քննական ստորաբաժանման ղեկավար Արմեն Դավթյանը: Այս պաշտոններին նշանակումներ դեռ չեն եղել:
